Fin de A Costa Galega

mermaid-156773_960_720

Hoxe queremos porlle fin a esta magnífica aventura pola costa galega. Sentíndoo moito, o noso traballo chegou á sua fin e o proxecto A Costa Galega xa amosou todos os seus recursos.

Con este proxecto, ademais de intentar que os nenos e nenas gozaran e aprenderan, queriamos facer homenaxe a todas as persoas que se atopan detrás da fachada: pescadores/as, mariscadores/as, bateeiros/as, naseiros/as, etc. Todos eles adican a sua vida enteira ó mar e traballan para que nós teñamos os mellores productos nas nosas casas.

Sentímonos moi satisfeitas co bo equipo que formamos, comprendéndonos en todo momento. Fixemos cousas novas que nunca fixeramos como crear un proxecto con certas características, crear actividades coa ferramenta Ardora e elaborar este blogue que nos serviu de moita reflexión.
Queremos dar as grazas, tanto Lucía como Rosana, por darnos a oportunidade de amosarvos o noso traballo e esforzo. Tamén grazas por poñer todo o interese na nosa costa e na cultura galega, para nós é de gran importancia defender esta terra e ensinala aos demais. Por último, queremos agradecer aos mestres a axuda que nos prestaron para facer isto posible.

Para despedirnos, queremos amosarvos uns vídeos que atopamos na rede que cremos que resumen á perfección A Costa Galega.

 

Publicado en Sen categorizar | Deixa un comentario

Comunicámonos?

A_cursiva

C_cursivaO_cursivaS_cursivaT_cursivaA_cursiva

Outro importante ámbito ao que chega o noso proxecto é o da comunicación lingüística. Cremos que os nosos alumnos e alumnas de 6º de Educación Infantil deben iniciarse na lectoescritura, coñecer e adquirir novo vocabulario e perfeccionar a linguaxe oral para comunicarse cos demais e comprender moitas cousas da vida para o día de mañá.

capture-20170503-143128

Con Ardora puidemos elaborar unha sopa de letras na cal debían buscar os nomes dalgunhas das illas galegas que lles amosamos en actividades anteriores. Non nos resultou nada doado escoller os nomes das illas xa que a maior parte deles eran moi longos e tampouco decidir cantas columnas e filas poñer para que o alumnado puidera resolver a actividade sen dificultades. Pero escollemos Ons, Cíes, San Simón, Arousa e Sálvora e concluímos en poñer oito columnas e cinco filas.

capture-20170508-215451

Cun maior nivel de dificultade, realizamos un aforcado dos nomes dalgúns dos faros galegos en Ardora, que non consiste en adiviñar as palabras se non en ordenar as letras delas. Tivémolo difícil á hora de seleccionar os nomes dos faros máis curtos e doados para os cativos. Tamén para encontrar unhas imaxes onde se distinguiran claramente uns dos outros e se pareceran ás que incluímos no conto. Despois dunha rigorosa busca conseguimos o noso obxectivo.

capture-20170503-143329

Un pasiño máis arriba na lectoescritura, decidimos retar ao alumnado a ler palabras básicas no vocabulario costeiro e a identificalas con imaxes moi familiares. Desta vez, escollemos a praia para que non lles resultara moi complexo, pois é un tema que xa coñecían de antes. Ao comezo, queriamos crear só un álbum con Ardora no que viran o que poden atopar nunha praia pero non sabiamos que esta actividade requiría emparellar o texto coas imaxes así que convirtímola nun desafío para os nenos e nenas, que neste caso xa se atopan iniciados na lectura de palabras.

capture-20170508-215513

Por último, decidimos sumerxelos na clasificación de tipos de animais mariños coa actividade relacionar frases-imaxes de Ardora propoñéndolles algúns moi doados. Para isto, levounos moito tempo seleccionar os máis básicos e as imaxes onde se recoñeceran de forma clara. Pensamos que era unha actividade algo complexa para eles por iso forma parte das derradeiras do proxecto.

QUEREDES MÁIS AVANCES E NOVIDADES?

POIS TEREDES QUE AGARDAR!

crab-42880_960_720

 

Publicado en Sen categorizar | Deixa un comentario

Divertímonos coas matemáticas?

As competencias clave en Educación Infantil parécennos fundamentais a tratar no noso proxecto e unha das que máis destaca nel é a matemática.

Coas actividades deseñadas, intentamos propoñerlles problemas cotiás que eles mesmos terán que resolver mellorando así a súa autonomía como pagar a compra de sardiñas nun mercado, contar os obxectos dun barco ou ordenar os pasos da pesca da sardiña.

capture-20170508-215034capture-20170508-215047

Coa actividade contar diñeiro de Ardora, trasladamos aos cativos a un mercado para que se familiarizaran coas contías e coñeceran de preto o paso que deben dar no futuro cando sexan independentes e teñan que ir a mercar eles sós.

Coin_rotation_paradox_animation

Tivemos algún que outro problema, pois non atopabamos unha imaxe dun mercado que encaixara ao que nos queriamos. Pretendiamos pórlles unha cantidade doada para que puidesen manexar as moedas máis básicas e non tiveran demasiadas dificultades pero o único que había na rede eran imaxes con cantidades moi grandes. Finalmente, despois dunha longa busca atopamos esta imaxe dun quilo sardiñas (peixe co que traballamos en moitas actividades) a cinco euros. Esta cantidade parecíanos moi axeitada ao que buscabamos e decidimos escollela. Logo puxemos as moedas máis básicas (1€, 2€ e 50 cent.) para que eles escolleran e moveran ao recadro as que debían de usar para resolver a actividade.

capture-20170508-214956

Coa actividade de Ardora relacionar frases-imaxes pensamos que os nenos e nenas podían coñecer os elementos dun barco á vez que os ían contando. Deste xeito, traballamos o linguaxe matemático achegado á vida cotiá para que lles resulte algo máis ameno e doado afianzar coñecementos.

Para atopar as imaxes dos obxectos tamén tivemos que buscar moito tempo, xa que había moitas nas que non se podían contar claramente os obxectos ou non había o número de obxectos que nós queriamos. A actividade tamén nos puxo trabas porque só podiamos pór oito imaxes cos seus oito números e nós pretendiamos que os cativos contaran ata dez. Pero aínda así, só conseguimos sete obxectos diferentes polo que só contarán ata sete.

capture-20170503-142425

A pesca é unha das principais actividades económicas galegas e o xeito é unha arte de pesca que se utiliza para capturar a sardiña, unha especie moi demandada en San Xoán.

EsquemaPescaAnzuelo

Aínda que non son números se non pasos dun proceso, pareceunos interesante propoñerlles o reto de poñer en orde algo tan importante como os pasos para pescar as sardiñas e utilizamos a actividade de Ardora ordenar imaxes.

Unha vez máis, tivemos serias dificultades para encontrar imaxes que se adaptaran a cada paso que dan os mariñeiros para conseguir capturar a sardiña. A imaxe na que se alan as redes foi a máis problemática de achar mais ao final demos con ela.

capture-20170508-215801

O tangram é un antigo xogo chinés co que se traballa a xeometría, unha rama das matemáticas que se encarga do estudo das propiedades das figuras. Ardora de novo, facilitounos unha actividade, xustamente chamada tangram, coa que puidemos propor ao alumnado que fixera a figura do peixe que nós deseñaramos.

SierpinskiTriangle-ani-0-7

Ao comezo da elaboración, non entendiamos moi ben como se movían as pezas a pesares de mirar as instrucións na páxina de Ardora, pero logo de analizar ben todo, puidemos resolver as nosas dúbidas e rematar a actividade.

Pronto voltaremos con máis novas para vós!!!

 

 

 

Publicado en Sen categorizar | Deixa un comentario

Traballamos de xeito artístico

Outro piar fundamental en A Costa Galega é a parte artística. Cremos que calquera proxecto debe ter unha parte que deixe fluír a imaxinación dos nenos e nenas e lles permita aportar toda a súa creatividade.

Por isto, deseñamos unha serie de actividades que sirvan ós cativos como inspiración:

1. Facemos teatro

A segunda das tarefas do noso proxecto consistirá na representación teatral do conto “A gran voda de Xelo e Carola”, proxectado como a Actividade número 1. O conto seranos de gran utilidade ó longo de todo o proxecto, polo que cremos que esta é unha boa maneira de afianzalo á vez que se divirten tomando diferentes roles. Da clase, 20 serán os nenos que representen os diferentes animais mariños e os tres restantes serán os encargados TIC. Que significa isto? Moi sinxelo, serán aqueles que graven a representación, entrevisten ós actores e tomen fotografías da actuación e do proceso de preparación. Con todo este material, realizarán ca axuda das mestras un vídeo-documental que mostre as fases de preparación da obra, dos traxes, as escenas dos ensaios e, por suposto, o resultado final.

teatr

2. Visita á Coruña

Ca viaxe á cidade herculina pretendemos que os nenos adquiran un maior control de ferramentas TIC como as cámaras de fotografía, que poderán ser dixitais ou de usar e tirar. Deberán levar cadansúa e tomar conta daqueles aspectos que máis lles chamen á atención na visita ó Aquarium Finisterrae: animais, plantas, exteriores, mobiliario, etc. Tamén poderán tomar fotografías do gran faro da Torre de Hércules, que coñecen do conto, ó que ademais subiremos.

OLYMPUS DIGITAL CAMERA

torre de hercules

Todo o material será exposto para que os compañeiros da escola podan coñecer lugares e seres vivos novos.

3. Visita ás Illas Cíes

Viaxaremos en catamarán ata un dos destinos de Xelo e Carola para alí visitar o Faro de Cíes e a Praia de Rodas. Será alí onde os nenos tomen fotografías para engadir á nosa exposición, tomando como referencia os elementos da actividade “Que hai na praia?”, elaborada con Ardora.

Ademais, cada neno e nena deberá levar dous tarros de cristal, onde meterán area e algas da praia, para levalas para a escola. Alí, organizaremos unha pequena competición, dividindo a clase en grupos, que terán que pegar os elementos naturais en papel corrido. Unha vez rematen todos, avaliaranse os resultados seguindo o método do “aplausómetro”. Que é isto? Estaredes a preguntarvos. Ca axuda dun medidor de decibelios, saberemos que obra recibe máis aplausos por parte dos compañeiros e por tanto, resultará gañadora. Todas elas pasarán a formar parte da nosa exposición pero será a que gañe a que a presida.

Por outra banda, aínda na praia de Rodas, realizaremos outras dúas actividades. A primeira consistirá en que os nenos experimenten autonomamente os fenómenos de flotación que se producen na auga, tirando pedras, paus secos e mollados, cunchas, cortizas, etc. Por último, antes de volvermos para a casa, darémoslles unha sorpresa ós cativos e sacaremos da nada unha botella de vidro, na que meteremos unha carta que temos que escribir entre todos. Asinarémola e poremos os nosos datos de contacto:

Twitter: @aCostaGalegaTIC

Enderezo electrónico: ticinfantilacosta@gmail.com

Blogue: ticinfantilacosta.climantica.org

 

IMG-20170501-WA0008IMG-20170501-WA0009

 

4. Á cociña!

Por outra banda, pensamos que os nenos e nenas deben manter unha estreita relación ca cociña dende ben cativos, polo que propoñemos unha actividade que lles divirta e ó mesmo tempo lles ensine. Ademais, pretendemos mellorar a relación familia-escola, polo que pediremos pais ou nais voluntarios para que colaboren connosco.

Como explicamos na entrada anterior, realizamos un vídeo contándolles ós nenos como facer mexillóns en salsa vermella. Tras a súa proxección, teremos que ir á cociña poñer en práctica o aprendido, adquirindo con isto nocións básica de alimentación, saúde e autonomía.

Neste caso, seremos as mestras as encargadas de gravar ós pequenos mentres cociñan, para engadir as fotos á nosa exposición.

mssl-spns

5. A colorear!

O nome desta actividade non é en balde, pois son dúas palabras máxicas que poden suscitar nos nenos dous tipos de actitudes. Por unha banda, poden poñerse ledos, pois poderán deixar voar a súa imaxinación e representar no papel aquelo que teñen na mente. Mais por outra, poderán poñer cara de aburrimento por estar cansados de actividades do mesmo tipo e sempre coordinadas polas indicacións da mestra.

Con A Costa Galega pretendemos rachar con moitos mitos e problemas da ensinanza habitual e planeamos esta actividade para que resulte entretida para os pequenos, para que poidan deixarse levar polo que pensan, xa que non haberá ningún tipo de regras de cor nin nada semellante.

Debemos comentar, que intentamos de todos os xeitos elaborar unha actividade con Ardora para acadar estes propósitos mais non conseguimos que funcionara a actividade colorear unha imaxe e tivemos que recorrer a recursos na rede. Os nenos e nenas deberán entrar nun enlace incorporado ó paquete de actividades que os levará á seguinte páxina (https://www.colorearjunior.com/dibujos-para-colorear-de-peces.html), na que poderán escoller o debuxo que máis lles guste e pintalo como lles pareza.

morena

Ó remate do proxecto, teremos montada no patio interior da escola unha gran exposición con todo o que fomos recollendo ó longo das actividades. Agardamos que isto sexa de interese para toda a comunidade educativa e especialmente para os nenos máis pequenos, xa que de ser así, o proxecto podería realizarse en vindeiras ocasións.

923846bf4d2756b0fa3c5c2edc87897c

Sen máis, desexamos que vos gustase esta parte artística de A Costa Galega e agardámosvos axiña con máis novas!

Publicado en Sen categorizar | Deixa un comentario

Os vídeos do noso proxecto

Como sabedes, todas as actividades que amosaremos están englobadas dentro dun “Paquete de Actividades” da ferramenta Ardora, unha aplicación creada por Xosé Manuel Bouzán que tenta achegar as TIC aos nenos e nenas, desde os máis pequenos ata os alumnos da ESO ou Bacharelato, sendo tamén unha ferramenta moi útil para o profesorado, pois facilita alternativas moi interesantes para tarefas que se levan realizando sen cambios dende fai moitos anos.

Nesta entrada queremos explicarvos a maneira na que articulamos o noso proxecto, apoiándonos en diferentes vídeos para enlazar todas as actividades, e facendo destes unhas tarefas entretidas e estimulantes para os nosos alumnos e alumnas.

Xa na primeira entrada vos anticipamos que comezamos a traballar a partir dun conto que fixemos en vídeo, pero que por tema de dereitos de autor non podemos subir ao blogue.

A actividade 5 (Lolilandia), correspóndese coa proxección do seguinte vídeo, que nos gustou especialmente porque fala das illas, elementos que vimos de tratar en anteriores tarefas, e tamén adianta brevemente a seguinte temática, a praia.  Ademais, é ameno para o alumnado xa que os protagonistas son personaxes de debuxos animados que coñecen.


No noso proxecto decidimos tratar os mexillóns e a súa extracción, polo que decidimos que os cativos visionasen un vídeo explicativo. Eliximos o seguinte vídeo en Youtube, descargámolo en formato Mp4 e cortámolo para que resultase máis útil para o que nós pretendiamos.


A continuación deste vídeo, proxectaremos outro realizado por nós no que explicamos como elaborar unha receita con mexillóns. Logo de velo e contando coa axuda de pais ou nais voluntarios, faremos unha xornada gastronómica e poremos en práctica o aprendido.


Despois de falar do mexillón, toca tratar outro dos produtos máis típicos dos veráns en Galicia: a sardiña. Para isto, proxectaremos un vídeo, que nós cortamos para adaptalo ás nosas necesidades xa que dispoñiamos del en formato CD. Malia isto, tamén está dispoñible en liña, polo que o poderedes ver se premedes AQUÍ.

Para a actividade número 15 decidimos converternos en peixiños e nadar polo mar ó son da música!


Cremos que a música é un piar fundamental en calquera proxecto e no noso non ía ser menos, así que sumándose á actividade que comentamos previamente, decidimos poñer punto e final á A Costa Galega con outro vídeo musical, mais desta vez engadímoslle un punto de diferenza. Portugal é o noso país veciño e compartimos con el o Océano Atlántico, por que non compartir tamén algo do idioma?


De novo, grazas por visitarnos e agardámosvos noutra quenda!

Publicado en Sen categorizar | Deixa un comentario

Que contidos curriculares pretendemos traballar?

Dende o primeiro momento sabiamos máis ou menos cales serían os contidos que tratariamos no noso proxecto A Costa Galega, máis faltábanos por ver a relación que as nosas ideas tiñan co que o Currículo de Educación Infantil de Galicia expoñía.

marketingdirecto-1

Así pois, dispuxémonos a buscar ao menos un contido por cada bloque das tres áreas curriculares.

Primeiro, na área “Coñecemento de si mesmo e autonomía persoal”, puidemos ver que se dividía nos seguintes bloques:

  1. O corpo e a propia imaxe
  2. Xogo e movemento
  3. A actividade cotiá
  4. O coidado persoal e a saúde

Así pois, comprobamos que poderíamos, de xeito xeral ou de xeito específico con algunha das actividades, tratar os contidos que estaban referidos neste área.

Logo, analizamos a área de “Coñecemento do contorno”, dividida nos seguintes bloques:

  1. Medio físico: elementos, relacións e medida
  2. Achegamento á natureza
  3. Cultura e vida en sociedade

Tras a súa análise, puidemos descubrir que ó igual que na anterior área, podiamos traballar contidos pertencentes a cada bloque.

Por último, a área “Linguaxes: comunicación e representación”, dividida en tres bloques:

  1. Linguaxe verbal
  2. Linguaxes artísticas: plástica, música e corporal
  3. Linguaxe audiovisual e tecnoloxías da información e comunicación

Quizás foi a área na que máis contidos relacionados co noso proxecto puidemos atopar, posto que un dos nosos obxectivos principais é, como dixemos, o manexo das TIC.

Unha vez demos por rematada a análise do currículo e tras a realización das actividades, puidemos concluír con estes dez contidos xerais:

  • Achegarse á lingua escrita a través de distintos tipos de textos.
  • Comprender, reproducir, reescribir -tendo en conta as diferentes etapas individuais no proceso de adquisición da lingua escrita-, e recrear textos.
  • Achegarse ao coñecemento, emprego e valoración das TIC -ordenadores, a internet, encerado dixital interactivo, escáner, vídeo …- como ferramentas de busca de información, creación, expresión e comunicación.
  • Adquisición de confianza nas capacidades propias.
  • Participación nos xogos e na actividade motriz, identificando as súas capacidades e confiando nas propias posibilidades de acción, amosando actitudes de iniciativa e constancia.
  • Gozo co xogo como medio para coñecer a realidade, mantendo unha actitude de axuda e cooperación con iguais e con persoas adultas.
  • Aceptación do xogo como medio de gozo e de relación cos demais.
  • Planificación secuenciada da acción para resolver tarefas.
  • Uso progresivo, acorde coa idade, de léxico variado, aumentando a precisión na busca dunha maior estruturación das súas frases.
  • Iniciación no uso da escrita en situacións contextualizadas e reais.

Ademais, cabe dicir que cada unha das actividades ten uns contidos específicos que se achegan máis ós requirimentos de cada unha delas.

Unha vez máis, gracias pola vosa visita! Agardamos vos gustase este nova entrada e desexamos que volvades logo para seguir vendo os avances do noso proxecto!

images

Publicado en Sen categorizar | Deixa un comentario

O noso obxectivo

Boas seguidores do noso pequeno grande proxecto!!!SoleteRayos

Hoxe queremos contarvos a quen vai adicado todo o que estamos a realizar e que desexamos conseguir ao rematar o desenvolvemento de A Costa Galega.

Barcos_pesqueiros_galegos

Os destinatarios do noso proxecto son os alumnos e alumnas de 6º de Educación Infantil do C.E.I.P. Eloísa Rivadulla de Chantada. Os nenos e nenas deste concello do Sur de Lugo viven relacionados co interior e coñecen moi ben o rural e as actividades que alí se realizan como a agricultura, a gandaría e a viticultura, pero apenas se relacionan coa contorna costeira galega e por iso queremos achegalos a ela.

Tendo en conta este contexto e despois de analizar a fondo o Currículo Oficial de Educación Infantil de Galicia, definimos os seguintes obxetivos xerais para o noso proxecto:

  • Relacionar o novo co que xa saben, desenvolvendo unha aprendizaxe simbólica.
  • Comprender as instrucións, o uso e os propósitos das actividades.
  • Adquirir destrezas e habilidades manipulativas aplicándoas ao manexo de útiles e materiais presentes no seu contorno.
  • Adquirir autonomía á hora da realización das actividades.
  • Ser conscientes de que a pesca é un dos sectores principais da economía galega.
  • Mellorar o uso dunha das linguas oficiais da comunidade autónoma (o galego) e aprender vocabulario descoñecido ata o de agora.
  • Manexar correcta e de xeito autónomo as ferramentas TIC que se lles facilitan.
  • Utilizar ferramentas dixitais ás que non están acostumados como cámaras fotográficas ou medidores de decibelímetros.

Tamén queremos resaltar que en cada actividade temos uns obxectivos específicos que cremos que se cumprirán ao realizalas. Pero… non teñades presa, iso contarémosvolo PROXIMAMENTE!

goldfish-30837_960_720

 

 

Publicado en Sen categorizar | Deixa un comentario

BENVIDOS!

Somos Rosana López e Lucía Laíño e queremos darvos unha calorosa benvida ó noso blogue, adicado principalmente ós nenos do segundo ciclo de Educación Infantil (3-6).

Ó longo das diversas entradas poderedes descubrir cales son os obxetivos que pretendemos conseguir ca nosa unidade didáctica A Costa Galega, ca que trataremos de achar os secredos mellor gardados das olas que bañan o noso litoral.

Digital StillCamera

Pero decidir o tema que íamos tratar foi complexo. Cada unha de nós tiraba por dous temas moi diferentes entre sí, por seren os máis próximos á nosa vida cotiá. O debate entre a costa e o rural rematou co triunfo, como sabedes, da costa. Así pois puxémonos mans á obra para saber que subtemas deberíamos tratar e pensamos nos seguintes:

  • Area e algas

algas e area

  • Animais

animales

  • Profesións

arc

  • Utensilios marítimos

qqq

  • Xeografía

1493218394710636

Todo isto debería ser tratado dende un prisma que interesara ós nenos e ó mesmo tempo fose adsequible para o seu entendemento.  Decidimos comezar o noso proxecto cun conto que tratase varios temas relacionados co mundo mariño, pero non atopabamos un que se axustase ás nosas necesidades. Despois de moito buscar decidimos crear o noso propio conto, inspirándonos nos contos escritos por Mau e ilustrados por Pin.

CAROLAA XELOOO

Debido ó copyright destas imaxes non podemos colgar aquí o video que realizamos, pero mostrarase na exposición oral que faremos na clase de Procesos de Mellora e Uso das TIC.

Despois da proxección do conto, iremos de excursión a dous dos lugares que aparecen na historia, onde os nenos levarán cámaras de video e fotografía cas que filmarán o que máis lles pareza, favorecendo así o contacto cas TIC.

Despedímonos por hoxe desexando que vos guste o noso proxecto e o sigades para ver os avances. Ata logo!

 

Publicado en Sen categorizar | Deixa un comentario